Gjatë mbrëmjes së djeshme është zhvilluar një operacion policor në Finiq të Sarandës për heqjen e tabelave të vendosura edhe në gjuhën greke.
Vendosjen e tabelave dygjuhëshe, në shqip dhe greqisht në fshatrat e Sarandës, në kundërshtim me ligjin e denoncoi një ditë më parë PDIU. Pas denoncimeve të shumta edhe nga ana e banorëve, ka reaguar Policia e Shtetit.
Partia për Drejtësi, Integrim dhe Unitet e quajti provokim të rëndë vendosjen e tabelave rrugore në gjuhën greke në jug të Shqipërisë. Në një deklaratë për mediat, PDIU akuzoi qeverinë dhe kryeministrin Rama, kur tha se gjithçka është bërë me lejen e tij.
