Një klasë shkolle në fshatin Dushk të Belshit është improvizuar për qendër shëndetësore ku është vendosur një krevat për të kryer injeksionet.
Kudo flitet për mjekësi falas, për kushtet e përmirësuar të mjekësisë por foto tregon realitetin e vërtet ku improvizimi në një klasë shkolle është gjithçka që ofrohet në atë që quhet Qendra Shëndetësore e fshatit Dushk të Belshit.
Nëse do të linim mënjanë kushtet e tmerrshme fizike dhe mungesën totale të aparaturave, në këtë zonë nuk vjen as mjeku, shërbimi ofrohet nga infermieria dhe në rastet e domosdoshme, banorët e kësaj zone kërkojnë mjek në Belsh.
Në fshatin Dushk ka rreth një mijë banorë, të cilët shumë herë kanë kërkuar një qendër shëndetësore ku të marrin shërbim normal, por plotësimi i kërkesave të tyre ka konsistuar vetëm në ndërrimin e klasave, që shndërrohen në qendra shëndetësore.
Dhe jo vetëm godina, por nuk janë shtuar as shërbimet mjekësore, që duhet të ofrojë një qendër shëndetësore, përtej ambienteve.
