Moti i paqëndrueshëm, me diell paradite dhe shi pasdite, do të jetë prezent gjatë gjithë muajit qershor. Por Instituti i Gjeoshkencave paralajmëron pushuesit të kenë kujdes nga rrufet, pasi kanë aktivitet në rritje, kryesisht në zonat bregdetare.
Moti do të jetë i tillë, i paqëndrueshëm përgjatë gjithë qershorit….
Pjesa e parë e ditës do të jetë me diell dhe temperatura që shkojnë deri në 30 gradë celsius dhe pasditeve do të ketë shira lokalë, deri në rrebeshe.
Instituti i Gjeoshkencave e shpjegon kështu paqëndrueshmërinë e klimës.
Meteorologu, Metodi Marku, kërkon nga qytetarët dhe pushuesit të bëjnë kujdes, pasi ka prezencë të lartë të shkarkesave elektrike, rrufeve.
Paqëndrueshmëria e motit, ka ndikimin e tij në shëndet, sidomos ndaj kategorive të caktuara që kanë dhe imunitet më të dobët si fëmijët.
Në shërbimin e Pediatrisë në QSUT, mjekët i thanë Ora News që në 24 orë, 180-200 pacientë të vegjël kërkojnë ndihmën mjekësore./Oranews
