Tmerri në Thumanë/ Prokuroria e Krujës nis hetimet për shkaqet e shembjes së godinave

Prokuroria e Krujës është vënë menjëherë në lëvizje, pas tërmetit me pasoja tragjike, ku, vetëm në Thumanë mbetën të vdekur 23 persona, të cilët gjendeshin në dy ndërtesa të rrëzuara pas lëkundjeve të forta sizmike.

Burime nga Akuza e Krujës bën të ditur për “Boldnews.al” se prokurorët i kanë kërkuar Policisë që të referojë zyrtarisht dhe sa më shpejt të gjithë rastet e vdekjeve.

Gjithashtu, është kërkuar që, për secilin prej personave që fatkeqësisht humbën jetën nën rrënoja, të kryet akti i ekspertimit mjeko-ligjor, me qëllim për të pasur në një kohë sa më të shpejtë shkakun zyrtar të vdekjes.

- reklamë -

Në hetim e ngjarjes tragjike, siç deklarojnë burimet e “Boldnews.al” në Prokurorinë e Krujës, do të kryejnë hetime për të konstatuar nëse shembja e godinave në Thumanë kishte ose jo shkaqe të jashtme.

Të dhëna publike referojnë se dy godinat e rrënuara në Thumanë ishin shpallur të pabanueshme pas një tërmeti të ngjashëm, të ndodhur në 21 Shtator të këtij viti. Gjithësesi, zyrtarisht është ende e paqartë nëse ato ndërtesa e kishin marrë statusin e “të papërdorshmeve”.

Ky detaj pritet të zbardhet në vijim të hetimi të nisur nga Prokuroria e Krujës, ku pritet të evidentohen nëse ka ose jo persona përgjegjës për atë që ndodhi në Thumanë.

LEXO EDHE  Fjalët e shenjta të Biblës mbrojtën murin nga tërmeti

Në tërmetin e mëngjesit të 26 Nëntorit u rrëzuan tërësisht pjesa më e madhe e dy godinave në zonën e Thumanës, në Krujë.

Në përfundim të operacioneve të kërkim-shpëtimit, nën rrënojat e dy ndërtesave u gjetën trupat e pajetë të 23 banorëve, të cilët nuk arritën t’i shpëtonin pasojave të tërmetit të fortë.

Ministria e Mbrojtjes bëri zyrtarisht të ditur emrat e personave të gjetur të pajetë nën rrënoja, të cilët janë:

1. Bukurije Leka
2. Erisa Cara
3. Ariela Lala 4 vjeçe
4. Fatmira Cuka 44 vjeçe
5. Selvie Lala 77 vjeçe
6. Saimir Greku
7. Kristjan Preçi 26 vjeç
8. Sardi Cuka 18 vjeç
9. Hajrie Vata 65 vjeçe
10. Klevis Çupi (Aliu) 34 vjeç
11. Drita Cakoni
12. Pëllumb Greku 57 Vjeç
13. Çelike Grupieku 57 vjeçe
14. Hajredin Çupi, 66 vjeç
15. Kastriot Cakoni, 58 vjeç,
16. Fatmira Cara vjeç 54
17. Hasan Cara vjeç 16.
18. Roledi Vata vjeçe 3
19. Suada Hysa vjeçe 18.
20. Ankthi Cara vjeç 65
21. Adelina Kabili vjeç 20
22. Almir Cara vjeç 26
23. Diastela Steneci vjeç 20, e fejuara e Almir Cares, nga Korça