Një grup turistësh shqiptarë kanë mbetur të bllokuar në kanionet e Holtës në Gramsh.
Në vendngjarje kanë shkuar forcat e policisë, emergjencat dhe zjarrfiksja.
Vetëm nga spitali i Gramshit janë nisur drejt vendit të ngjarjes 3 ambulanca.
Rreth orës 17:30, grupet e shpëtimit kanë mundur të nxjerrin 4 prej turistëve, të cilët mësohet janë fëmijë, dhe po punohet për zhvendosjen e të tjerëve.
Shkak për bllokimin e turistëve është bërë rritja e menjëhershme e prurjeve të lumit.
Nga informacionet paraprake, nuk raportohet për persona të lënduar.
