Moti i keq ka shkaktuar probleme në qytetin veriperëndimor sa i përket akseve rrugore. Gazetari i BalkanWeb Elidon Ndreka raporton se gjendja më shqetësuese mbetet në lagjen ‘Besëlidhja’ ku pusetat janë bllokuar prej reshjeve të shiut dhe uji vërshon rrugëve të qytetit.
Kjo është kthyer në një shqetësim të madh për kalimtarët dhe drejtuesit e automjeteve në këtë fundjavë ndërkohë nuk dihen ende masat që kanë marrë autoritetet për këtë situatë.
