Mbrëmjen e djeshme u publikua një video skandal në emisionin investigativ “Stop”, ku një efektiv policie u shfaq në video duke favorizuar drejtuesin e një mjeti në këmbim të parave.
Ndërkohë ky efektiv policie është pezulluar pas publikimit të videos ku ky punonjës i Policisë rrugore me pretendimin se duke shfrytëzuar atributet që i jep funksioni si punonjës policie favorizon drejtuesin e mjetit në këmbim të përfitimit financiar.
Polici nuk e ka ndëshkuar drejtuesin e mjetit për shkeljen përkatëse të Kodit Rrugor.
Njoftimi i policisë:
Në lidhje me videon e publikuar mbrëmjen e djeshme në emisionin “STOP”, në TV Klan, ku shfaqet një punonjës i Policisë Rrugore, me pretendimin se duke shfrytëzuar atributet që i jep funksioni si punonjës policie favorizon drejtuesin e mjetit në këmbim të përfitimit financiar, duke mos e ndëshkuar për shkeljen përkatëse të Kodit Rrugor, ju bëjmë me dije se: Pas verifikimeve paraprake, u bë pezullimi nga detyra i punonjësit të policisë I.K., me detyrë trup shërbimi/agjent verifikues në Seksionin e Menaxhimit të Trafikut Urban pranë Komisariatit të Policisë Rrugore Tiranë. SHÇBA ka filluar veprimet proceduariale dhe hetimore, të cilat janë referuar pranë Prokurorisë së Rrethit Gjyqësor Tiranë.
