Njësitë e kërkim shpëtimit të FSK-së, Policisë së Kosovës dhe Agjencisë së Kosovës për Emergjenca, sot në orën 15 e 40, në kilometrin e 6-të, në hyrje të Hanit të Elezit nga vend i aksidentit në lumin Lepenc, kanë gjetur trupin e pa jetë të policit Armend Trena.
Ai së bashku me kolegun e tij Malsor Dashi kohë më parë janë aksidentuar më 29 prill dhe që nga ajo kohë janë konsideruar të zhdukur. Kohë më parë është gjetur edhe trupi i pajetë i policit tjetër, Malsor Dashi.
