32 persona kanë ndërruar jetë në një aksident të rëndë mobilistik në Korenë e Veriut, ku një autobuz me turistë kinezë është rrëzuar nga ura.
Sipas autoriteteve vendase, aksidenti ka ndodhur në një provincë në jug të qytetit të Phenjanit, kur autobuzi i cili transportonte rreth 40 persona ka rënë nga një lartësi prej 10 metrash, duke u rrotulluar disa herë.
Nuk dihen ende shkaqet e ngjarjes së rëndë, ndërkohë që qeveria kineze ka dërguar një grup hetimor për të zbuluar më shumë për aksidentin.
