Burgjet ruse janë nga famëkeqet në botë dhe shumë të vështira për fatkeqët që vuajnë dënime nga më mizoret.
Por njëri prej tyre është edhe më i tmerrshëm se pjesa tjetër dhe ndoshta më famëkeqi në botë.
I quajtur “Black Dolphin” (Delfini i Zi), ky burg i sigurisë së lartë në kufirin me Kazakistanin, strehon kriminelët më brutalë të vendit, duke përfshirë vrasësit serialë, kanibalët dhe terroristët.
“E vetmja mënyrë për të shpëtuar nga ky ferr, është duke vdekur”,- shprehet njëri prej togerëve të burgut famëkeq.
Emrin “Delfini i Zi” e ka marrë nga një delfin i zi prej druri, i ndërtuar nga të burgosurit, në hyrje të godinës.
Prestigjiozi amerikan “National Geographic”, ka sjellë ditët e fundit një tele-reportazh nga ky vend i tmerrshëm, duke treguar nga brenda pamjet se si trajtohen të burgosurit aty.
Sipas “NG”, përtej kushteve tepër të vështira, trajtimi që u bëhet të burgosurve aty është vërtet çnjerëzor./Natgeotv.com/
