Një gropë masive është hapur brenda natës në Zelandën e Re, në atë që ekspertët thonë se mund të jetë më e madhja në këtë shtet.

Vrima gjigante, me madhësinë e dy fushave futbolli dhe e thellë sa një ndërtesë 6 katëshe, u hap javën e shkuar ngjitur me një fermë kafshësh, pranë Rotorua.

Vullkanologu Brad Scott tha se shkak me gjasë janë bërë shirat e rrëmbyer të kohëve të fundit. Sipas tij, shirat kanë dobësuar në mënyrë të vazhdueshme shtresat nëntokë, gjatë një periudhe më shumë se 100 vjeçare dhe shirat e fundit kanë përshpejtuar procesin.

Eksperti tha se gropa më e madhe që kishte parë deri më tani ishte sa një e treta e kësaj të fundit.

Gropa gjigande ka shkaktuar shqetësim për fermerët e zonës, të cilët janë detyruar që të vendosin një gardh përreth hapësirës së gjelbër ku mbajnë kafshët, nga frika se mos ato bien brenda.