Në Poloni një kamion mallrash ka pësuar një aksident dhe është përmbysur në autostradë, duke derdhur tonelata të tëra çokollate të lëngshme në rrugë.
Televizioni privat në Poloni TVN24 tregoi pamjet e kamionit të përmbysur të rrethuar nga çokollata ngjyrë kafe që mbulonte gjashtë korsi në autostradën A2, duke bllokuar trafikun në të dyja drejtimet.
Forcat e shpëtimit thanë se çokollata e lëngshme ishte ngurtësuar dhe janë dashur sasi të mëdha uji të nxehtë për të pastruar rrugën.
Shefi i brigadës së zjarrfikëseve të Sllupcës (qytet në Poloninë Perëndimore), Bogdan Kowalski, tha se “çokollata e ftohtë është më e keqe se bora”.
Nga ky aksident është lënduar vetëm shoferi i kamionit.
