Policia italiane arriti të zbardhte detajet e njërit prej operacioneve antiterroriste të ekzektuar sot në 4 rajonet italiane të Lombardisë, Venetos, Emilia Romanjës e Sardenjës.

Ky operacion është koduar “Foreign Fighters” i koordinuar nga Antiterrorizmi i Romës e i Breshës ka nisur hetimet në vitin 2015 pas identifikimit të një fluksi të madh parash përmes shoqërive “Money Transfer” nga disa persona të komunitetit sirian me banim në provincën e Lekos dhe Komos.

Celuala terroriste e kishte bazën në territorin italian e me degëzime që vepronin në vende të ndryshme europiane.

Hetimet investigative me ndihmën e inflitrimit të agjentëve policorë çuan në zbulimin e një fluksi e ricklimi ilegal parash në shumën prej 2 milionë euro me vendet si Turqia, Suedia, Hungaria e Italia, të përdorura dhe për financimin e grupeve terroriste të organizatës islamike “Al-Nusra”.

 Përgjimet telefonike e ambientale  kanë zbardhur bisedat e kërkesat për financim dhe transferim parash nga  persona me banim në “zonat e nxehta” të Sirisë.

Kreu i kësaj celuele terroristi ishte siriani Daadoue Anwar me banim në Suedi, në qytetin Norrköping, e që merrej me administrimin e transferimit të parave, jashtë sistemit bankar.