Parlamenti grek pritet të mblidhet sot për të votuar propozimin e kreut të qeverisë, Aleksis Tsipras, për votëbësimin e deputetëve pas daljes së partnerit Panos Kammenos nga koalicioni qeverisës.
Për partitë e opozitës në Greqi, divorci mes dy partive aleate përpara ratifikimit të marrëveshjes së shumëdebatuar të Prespës është vetëm një inskenim politik.
Sipas tyre kjo nuk do të devijojë qëllimin e vërtetë të qeverisë në favor të akordit me Maqedoninë.
“Qeveria ka humbur prej kohësh besimin e popullit grek dhe nuk është në gjendje të mbrojë interesat kombëtare”, ka thënë kryekonservatori Mitsotakis duke iu referuar marrëveshjes për emrin e Maqedonisë.
