Teksa situata në Ukrainë po përshkallëzohet, presidenti amerikan, Joe Biden vazhdon të qëndrojë në shtëpinë e tij private në Delauer.
Sipas Fox News, kjo vjen në kohën kur Vladimir Putin ka rritur nivelin e gatishmërisë për forcat bërthamore në nivelin e luftimit.
Fox News shkruan se një lëvizje e tillë sinjalizon se tensionet mund të ziejnë deri në pikën e një lufte bërthamore.
Por teksa situata është krahasuar me krizën bërthamore të Kubës, presidenti Biden vazhdon të jetë në rezidencën e tij private.
Më tej Fox News shkruan se komunikimet e medias me Biden, komandantin e përgjithshëm, janë ngadalësuar ndjeshëm deri në zvarritje.
Putin paralajmëroi javën që shkoi se kushdo që ndërhyn në pushtimin e tij në Ukrainë do të përballet me pasoja që nuk janë parë ndonjëherë
