Një gjykatë në Rusi ka urdhëruar që të bllokohet aksesi në aplikacionin e mesazheve, Telegram.
Rregullatori medial i Rusisë, Roskomndazor njoftoi javën e kaluar se ka ngritur një rast gjyqësor për kufizimin e qasjes në Telegram, pasi kompania ka refuzuar që t’i japë shërbimieve të sigurisë së shtetit mundësin për të pasur akses në të dhënat e përdoruesve të këtij aplikacioni.
Sipas Telegram kjo kërkesë është “jokushtetuese” dhe nuk “bazohet në ligj”.
Para këtij vendimi të gjykatës, organizata Amnesty International ka thënë se tentimi për bllokimin e Telegramit është “sulmi i fundit ndaj lirisë së shprehjes online”, nga autoritetet ruse.
