Një vajzë adoleshente ka ndërruar jetë pasi instruktori i saj e shtyu nga kati i dytë i shkollës ndërsa po stërvitej.
Ngjarja është regjistruar në Indi në një kolegj privat në Coimbatore. Instruktori po trajnonte 19-vjeçaren se si të përgatitej për të shpëtuar në rastet e katastrofave natyrore.
E frikësuar, vajza kishte hezituar të kërcejë, por instruktori ka insistuar dhe e ka shtyrë atë me sigurinë se poshtë e priste një rrjetë e mbajtur nga studentë. Fatkeqësisht stërvitja nuk ka shkuar si duhet pasi vajza gjatë hedhjes ka goditur kokën në një bordurë të godinës.
