Duken syze normale, por në fakt përfaqësojnë gjeneratën e re të aksesorëve teknologjikë.
Kompania Gentle Monster, e njohur për syzet e saj, ka deklaruar se ka arritur një marrëveshje me gjigantin kinez Huawei për krijimin e disa syzeve “smart”, që do të përmirësojnë përditshmërinë e dekadës që vjen.
Do të mjaftojë një prekje e lehtë skeletit të syzeve për t’u përgjigjur telefonit, ose për t’i kërkuar ndihmë asistentes zanore.
Detajet janë ende të pakta, por besohet se brenda verës së këtij viti mund të dalin modelet e para.
