Shirat do të vijojnë të bien në disa zona të vogla të vendit edhe gjatë kësaj jave, por pritet që nga dita e enjte dhe në vijim do të ketë rritje të temperaturave, të cilët pritet të shkojnë deri në 35 gradë.

Sipas Meteoalb, pjesa e parë e javës mbetet me kthjellime dhe vranësira kalimtare, më të dendura gjatë pasditeve në zonat malore duke sjellë shira afatshkurtër kryesisht në Veri dhe zonat Lindore, por më pak të rrezikuara janë qytetet e zonës së ulët si Tirana, Elbasani, Fieri dhe Berati; bregdeti mbetet kryesisht me kthjellime, kryesisht ai Jugor.

Pas të enjtes dhe në fundjavë priten kthjellime në 85% të vendit por vranësira lokale zhvillohen kryesisht në Veri – Verilindje ku do të ketë edhe shira të izoluar.

Tabloja termike vijon pa ndryshime të ndjeshme deri mesditën e së mërkurës duke ruajtur vlera tipike të muajit korrik pasi maksimumet termike qëndrojnë rreth vlerës 33°C.

Dita e enjte dhe fundjava sjellin rritje të temperaturave duke bërë që maksimumi të ngjitet mbi 35°C.