U preferua shumë gjatë verës, por mesa duket bluza e shkurtër do të qëndrojë në gardërobë edhe gjatë vjeshtës. Të paktën duke e kombinuar me mënyrën e duhur.
Ikona të modës si Gigi Hadid dhe Kendall Jenner janë nga të parat që na tregojnë se si ta adoptojmë këtë stil.
Duke iu përshtatur gjithmonë kohës, mund të guxoni me këtë stil në ditët e vjeshtës kur dielli bën shfaqjen e tij.
Sa më të gjatë të kenë shtratin pantallonat me të cilat do ta kombinosh (por edhe fundi) aq më shumë stil do të tregojë ky kombinim. Njëherazi edhe më pak pjesë e zbuluar.
Një varëse në qafë, përveç se do t’i shtojë pikë stilit tuaj do të barazpeshojë të gjithë veshjen.
