Shumë njerëz kanë probleme të gjejnë kohën për t’u ushtruar. Gjithashtu edhe besimi se ushtrimet në orët e vona ju mbajnë zgjuar gjatë natës ka frenuar mjaft njerëz nga ushtrimet në orët e mbrëmjes.
Mirëpo, një studim i ri sugjeron se gjysmë orë stërvitje me intensitet të lartë në mbrëmje nuk ndikon në gjumë dhe mund të na ndihmojë të humbim peshë duke shtypur oreksin tonë.
Hulumtimi u krye nga Universiteti Charles Sturt në Bathurst të Australisë dhe u drejtua nga Penelope Larsen, një studente në Shkollën e Shkencave të stërvitjes, sportit dhe shëndetit.
