Ishte 10 qershor 2007, kur në Shqipëri do të shkelte për herë të parë një president i Shteteve të Bashkuara të Amerikës.
George W.Bush në krah të kryeministrit të asaj kohe, Sali Berisha, do të përcillte mesazhe të forta për Shqipërinë dhe Kosovën.
Dy momentet klumore të kësaj vizite, ishin deklaratat e Bush se Kosova do të ishte shtet i pavarur dhe Shqipëria anëtare e NATO-s, ngjarje të cilat u realizuan në harkun e një viti.
Në këtë ditë të shënuar, kryetari i PD dhe ish-kryeministri që priti George W.Bush në Tiranë, Sali Berisha ka publikuar një foto të veçantë me ish-shefin e Shtëpisë së Bardhë.
“Në 15 vjetorin e vizitës së presidentit George W. Bush në Shqipëri. Nderim mikut tonë të madh”, shkruan Berisha
