Në konferencën për mediat që u mbyll pak çaste më parë kreu i opozitës Basha u pyet edhe për deklaratat e shpeshta të Edi Ramës, sipas të cilit e gjithë kjo që po bën opozita ka lidhje me frikën ndaj “SPAK”.
Gazetarja e pyeti Bashën, nëse ai vetë personalisht ka frikë nga krijimi i këtij organi të drejtësisë i cili do të godasë pikërisht politikanët dhe zyrtarët e korruptuar.
“Mungesa e SPAK është një nga veprat më tinëzare të Edi Ramë, Opozita e ka votuar me vullnet të plotë krijimin e tij, por Edi Rama e ka sabotuar funksionimin në kohë, pasi ai vetë dhe qeveria e tij e zhytur në korrupsion të jashtëzakonshëm, janë ata që do të jenë subjektet e para të SPAK”, deklaroi për këtë çështje Lulzim Basha.
