Banorët e Unazës së Re kanë dalë në rrugë në ditën e 138-të të qëndresës së tyre. Ata kundërshtojnë prishjen e banesave të tyre dhe anulimin e projektit.
Ata thërrasin “E duam Shqipërinë pa Edi Ramën”, “Rama ik” ndërsa kanë deklaruar se nuk do tërhiqen në mbrojtjen e shtëpive të tyre deri në fitimin e çështjes së tyre.
Në mbështetje të tyre kanë vajtur edhe ish-deputetët e Partisë Demokratike të cilët deklaruan se ata janë në mbështetje të qytetarëve dhe për këtë arsye kishin djegur mandatet.
Klevis Balliu tha se protestat në vend do vijojnë deri në largimin e qeverisë Rama dhe zhvillimin e zgjedheve të parakohshme, të lira e të ndershme.
