Në intervistën e tij para gazetarit Çim Peka në Syri Tv, ish kryeministri Sali Berisha tregoi për herë të parë marrëdhëniet e tij me ambasadoren aktuale të OSBE/ODIHR Audrey Glower në vitin 1996.
Berisha zbuloi se ishte kryetari aktual i parlamentit Gramoz Ruçi, i cili mori nga Athina komandën “bojkotoni zgjedhjet”, teksa i referohej zgjedhjeve të vitit 1996, çka bëri që të prisheshin marrëdhëniet me diplomaten e huaj.
“Gramozi mori në telefon, nga Athina, komandën, “bojkotoni komisionin”. Kjo është e njohur, e kam thënë në mënyrë të përsëritur. A ishte Glower? Ky ishte shkaku që u prishën marrëdhëniet. Nuk ishte personale. U shfaq në 2009, nuk do e pranoja, por Rama kërcënonte se do bojkotonte zgjedhjet nëse nuk do të ishte zonja Glower”, tregoi ish kryeministri Sali Berisha.
