Pas samitit të djeshëm në Berlin të organizuar nga kancelarja Angela Merkel dhe presidenti francez Emannuel Macron, pritet të mbahet një tjetër i ngjashëm në muajin korrik.
Mësohet se në samitin e djeshëm është dalë në përfundimin se do të mbahet një tjetër në të njëjtin format, më 1 korrik në Paris, ku do të jenë të pranishëm liderët e Ballkanit Perëndimor.
Ndërkaq, fokusi i takimit të djeshëm ishte çështja Kosovë-Serbi. Pas përfundimit të samitit Presidenti Hashim Thaçi u shpreh: ‘Nuk mund të themi se ky takim ka pasur ndonjë rezultat konkret’.
Nga Berlini, Thaçi dha edhe njëherë lajmin e keq që sërish liberalizimi i vizave për Kosovën nuk ka ndodhur.
Sakaq, organizatorët e takimit thanë se çdo zgjidhje e marrëdhënieve ndërmjet Kosovës dhe Serbisë duhet të shmang tensionet dhe nuk mund të jetë në dëm të vendeve tjera të rajonit.
