Ministri i Shtetit për Evropën në Ministrinë e Jashtme gjermane Michael Roth ka dhënë këtë të dielë qëndrimin zyrtar të Gjermanisë, në lidhje me çështjen e shumëdebatuar të ngritjes së kampeve të qëndrimit për emigrantët në territorin shqiptar.
Shpesh herë kjo çështje është lidhur me integrimin e vendit, por sipas Roth të dyja nuk kanë lidhje me njëra tjetrën.
Ministri gjerman u shpreh se Shqipërisë nuk i është vënë asnjë lloj kushti i kësaj natyre. Nga ana tjetër Roth theksoi se çështja e azilkërkuesve dhe emigrantëve është një histori e cila kërkon zgjidhje të përbashkët.
“Nuk ka asnjë kusht në raportin tonë për hapjen e negociatave për mbylljen e kufijve për emigrantët, por nuk ka asnjë kërkesë për hapje kampesh për emigrantë. Ne jemi në kërkim të një zgjidhje për të bërë më të mirën e mundur. Por Shqipëria është e lutur që të jap ndihmën për këtë gjë”-tha Roth.
