Kryeministri pritet të mbajë mbrëmjen e sotme në Vlorë takimin e radhës për përmbylljen e fushatës elektorale për zgjedhjet e 30 Qershorit.
Burime bëjnë me dije se qindra militant të Partisë Demokratike kanë nisur grumbullimin, në pritje të kryeministrit Rama në qytetin bregdetar, ndërkohë po ashtu mësohet se kryeministri e ka shtyrë takimin përmbyllës deri në orën 20:00.
Sipas raportimeve, militantët e PD-së pritet të marshojnë mbrëmjen e sotme, ndërsa ende nuk dihet nëse do të kemi një situatë të përshkallëzuar ashtu sikurse në qytetet e tjera të vizituara nga Rama, pasi që edhe mbrëmjen e sotme dhjetra forca policie në pritje të kryeministrit kanë bllokuar rrugicat që të çojnë në Lungomare.
