Reforma zgjedhore dhe ajo në drejtësi janë dy kushtet e panegociueshme që Bundestagu Gjerman të japë dritën jeshile për hapjen e negociatave për anëtarësimin e Shqipërisë në Bashkimin Evropian.
Drejtor i Fondacionit “Konrad Adenauer”, Walter Glos, ka qenë i prerë në fjalën e tij, duke theksuar se vetëm pas realizimit me korrektësi të këtyre dy reformave, Gjermania do të heqë kushtëzimin për pranimin e negociatave.
Por Glos ka deklaruar se mbetet skeptik për hapjen e negociatave sepse nga Holanda dhe Franca nuk po vijnë lajme pozitive.
Ndërsa sqaroi situatën në raport me Maqedoninë, ku theksoi se nëse për vendin tonë ka kushtëzim, për Maqedoninë ka lehtësim, sa i përket vendimit për hapjen e negociatave.
Shqipëria ndodhet në një fazë ku pret vendimet e shteteve anëtare të Bashkimit Europian të cilat kanë në dorë fatin e vendit për hapjen e negociatave. TV SCAN
