Kryetarja e LSI-së, Monika Kryemadhi, e përforcoi edhe më vendosmërinë e opozitës për të vazhduar protesta, por këtë radhë e drejtuar nga populli. Kryemadhi tregoi edhe pozicionin e LSI-së përkundër deklaratës së fortë që dha dje Presidenti Ilir Meta për rrugët e zgjidhjes së krizës politike në vend.
“Këtu nuk është më çështje revolte pallati apo opozite, – tha Kryemadhi, – por është revolta e një populli që është ngritur për hallet e veta, jo për për të Lulit apo Monës, por për hallet e veta.”
E pyetur nga mediat nëse do t’ia sugjeronte, dorëzimin e mandatit, Presidentit, ashtu siç ai u shpreh dje, kryetarja e LSI-së tha: “Se ç’do të bëjë Presidenti, është zgjedhje e tij. Presidenti le të bëjë punën e tij, zyrtare, legjitime, jolegjitime… Nuk kam asnjë arsye për ta komentuar, kurse ne si opozitë kemi qëndrim të unifikuar.”
Por, cila është axhenda e opozitës në vijim?
“Axhenda është shumë e thjeshtë, – tha Kryemadhi. – Nuk ka axhendë! Opozita nuk drejton më popullin, por populli drejton opozitën dhe pozicionimi ynë për të djegur mandatet është për t’i kthyer vlerat politikës, se deputeti është një përfaqësues i qytetarëve.
