Kryeministri shqiptar, Edi Rama, pasi vizitoi SHBA-në më shumë në një tur turistik blerjesh, u tha shqiptarëve se nuk ka vaksina kundër koronavirusit.
Ai tha se ato janë blerë nga vendet e tjera. Teksa në vendet fqinje të Shqipërisë ka nisur dhe do të nisë brenda 24 orësh procesi i vaksinimit, Edi Rama e gjeti ‘fajtorin’ se përse nuk kemi vaksin.
Rama tha se fajin e ka Bashkimi Europian
Tanimë dihet që kryeministri Edi Rama nuk mban mbi vete asnjë përgjegjësi për asgje dhe vetëm gjen fajtorë. Por fakti që ai po akuzon BE-në për mungesën e vaksinës, në kohën kur Serbia e ka nisur vaksinimin, bie shumë në sy.
Edhe portali gjerman, NeX24, shkruan se kryeministri shqiptar Edi Rama ka fajësuar BE-nëse përse vendi i tij nuk ka as vaksina dhe as një plan konkret për vaksinimin.
“Kryeministri shqiptar, Edi Rama ka fajësuar Bashkimin Europian për faktin se Shqipëria nuk ka një vaksinë Covid-19 dhe as një afat kohor se kur do e marrë atë,” shkruan portali gjerman.
“Kryeministri tha se është në komunikim të vazhdueshëm me tri kompanitë kryesore të vaksinave perëndimore- Pfizer, AstraZeneca dhe Moderna- por shtoi se kërkesa e madhe globale dhe ndalimi që i ka bërë qeveria amerikane eksportit të vaksinave e bën shumë të vështirë situatën. Rama tregoi se do të mbështetet te lidhjet e tij personale dhe te aftësitë diplomatike për të gjetur vaksinat për shqiptarët,” shkruan portali
