Me rastin e 28 Nëntorit, ditës së Pavarësisë së Shqipërisë, është zhvilluar në Vlorë ceremonia e ngritjes së flamurit kombëtar.
Në këtë festë të 108-vjetorit të shpalljes së Pavarësisë Presidenti i vendit, Ilir Meta, kryeparlamentari Gramoz Ruçi dhe Kryeministri Edi Rama kanë marrë pjesë në ceremoninë e ngritjes së Flamurit në Vlorë.
Krerët e shtetit shqiptar vendosën kurora me lule në monumentin e pavarësisë.
Si sot, 108 vjet më parë në Vlorë, përfaqësues të vilajeteve shqiptare shpallën pavarësinë e shtetit shqiptar.
Shpallja e Pavarësisë së Shqipërisë ishte kurorëzim i përpjekjeve shekullore dhe luftërave të pareshtura që bënë shqiptarët për çlirimin e vendit.
