Presidenti i Republikës, Ilir Meta, zhvilloi sot një takim me kryetarin e Bashkimit Demokratik për Integrim në Maqedoni, Ali Ahmeti.
“Sot prita në një takim të përzemërt liderin e BDI-së, Ali Ahmeti. Përpjekjet e vendosura dhe të palodhura të BDI dhe faktorit politik shqiptar për marrëveshjen përfundimtare midis Maqedonisë dhe Greqisë, meritojnë mbështetje maksimale, sepse përshpejtojnë anëtarësimin në BE, jo vetëm të Maqedonisë, por edhe i japin vendin e merituar në NATO”, shkruan Presidenti Meta në rrjetet sociale.
