Deputeti Partisë Demokratike, Gent Strazimri, ka ironizuarpërmes një postimi në ‘facebook’ deklarimin e kreut të qeverisë për hapjen departamentit antishpifje në selinë e Partisë Socialiste.
“Ringrihet Zyra e Dezinformacionit pranë Sektorit të Propagandës në KQ të Partisë”, shkruan Strazimri, duke shtuar se “në përbërje të tij do të jenë:
– 1 shok nga organet e Sigurimit
– 1 shoqe nga “shefet e kuadrit”
– 1 shok ose shoqe pararojë nga kooperativat bujqësore”.
Postimi i plotë:
Ringrihet Zyra e Dezinformacionit pranë Sektorit të Propagandës në KQ të Partisë nën emërtimin “Departamenti Antishpifje”!
Në përbërje të tij do të jenë:
– 1 shok nga organet e Sigurimit
– 1 shoqe nga “shefet e kuadrit”
– 1 shok ose shoqe pararojë nga kooperativat bujqësore
– 1 shok ose shoqe nga Këshillat Popullore
– 1 shok ose shoqe veteran/pensionit të nderuar nga Fronti
