“Para cash nga paketa ekonomike, orar i veçantë për lëvizjen e tyre”, Basha: E pafalshme mungesa e likujditetit për të moshuarit

Në një kohë kur qeveria ka ndaluar daljen e të moshuarve nga shtëpia, kreu i PD-së Lulzim Basha theksoi se ka disa mënyrë për t’i ardhur në ndihmë kësaj kategorie.
Në një komunikim me gazetarët (online) lideri i opozitës tha se një ndër këto propozime është dhe dhënia e parave cash në dorë.
“Ka disa mënyra se si mund të ndihmojmë të moshuarit. Duhet të jenë në qendër të vëmendjes. E pafalshme që të kenë mungesë likujditeti. Zgjidhja e menjëhershme është që të gjithë kenë likujditet. Të gjithë duhet të përfitojnë para cash nga paketa ekonomike. Një nga modelet që po përdoret në disa vende është caktimi i një orë të veçantë të daljes së moshave të treta. Ky është një model që s’ka pse mos të shqyrtohet. S’jam ekspert i kësaj fushe e s’marr përsipër të bëjë atë, por kjo moshë duhet të ketë vëmendje të duhur dhe pa burime financiare sic po shohim dhe dëgjojmë.”, pohoi Basha.