Sjellja e sotme e policisë, dhuna dhe terrori ndaj disa qytetarëve të thjeshtë të cilët protestojnë për të shpëtuar shtëpitë e tyre tregon se kjo mazhorancë e ka mbushur kupën. Armiqësia e saj me shqiptarët ka arritur pikun e vlimit.
Por sot ka ndodhur një rast i paprecedentë. Është shoqëruar nga policia një ish-deputet, një eksponent i lartë i Partisë Demokratike dhe opozitës. Klevis Balliu, i cili ishtë në mbështetje të banorëve të Unazës së Re, është marrë me dhunë nga policia dhe forcat e FNSH-së.
Rama me këto veprime ekstreme, prej një diktatori të vërtetë po tregon se ka frikë dhe urrejtje ndaj opozitës.
Ai po tenton të instalojë një sistem në këtë vend, ashtu siç e ka në ëndrrat e tij, pa opozitë fare. Rasti i sotëm i Unazës së Re e tregon qartë këtë.
Por shqiptarët nuk do ta lejojnë një gjë të tillë. Konfrontimi i popullit me këtë kriminel në krye të vendit ka nisur dhe fundi i bandës në pushtet është shumë afër.
