Ish-ministri i Arsimit, Genc Pollo u shpreh se studentët po e përkrahin protestën e pedagogëve.
Në një intervistë për Euronews Albania, Pollo theksoi se sa i përket kërkesa të pedagogëve ndaj qeverisë, si ajo e rritjes së pagave, hapësira për financim ka, por ‘paratë duan t’i çojnë në vrimat e tyre’.
Pollo: Unë mendoj që studentët e kanë përkrahur protestën e pedagogëve. E ardhmja e studentëve do të jetë më e mirë kur përmbushën kushtet. Greva është për të shkundur qeverinë. Kjo do të shikohet nga forcat e protestës, do të përcaktojë edhe vendimin e qeverisë. Protesta e fuqishme sjell sukses. Kërkesa për rritjen e pagës, hapësira për fincanim ka, por qeveria do të çojë në vrimat e veta.
