Shqipëria 10 vite pa viza, Meta: Sot është koha të bëjmë gjithçka për integrimin në BE, mos e braktisni vendin!

Presidenti Ilir Meta uron Shqipërinë, e cila feston sot 10-vjetorin e liberalizimit te vizave..

Përmes një mesazhi në “Facebook”, Meta thekson se sot është koha për të bërë gjithçka për ta mbrojtur këtë arritje të madhe dhe për të bërë realitet aspiratën e çdo shqiptari për të anëtarësuar Shqipërinë në BE.

- reklamë -

Mesazhi i Metës:

Para 10 vitesh, realizuam një ëndërr, lëvizjen e lirë të shqiptarëve në Bashkimin Europian.
Është koha për të bërë gjithçka për ta mbrojtur këtë arritje të madhe dhe për të bërë realitet aspiratën e çdo shqiptari për të anëtarësuar Shqipërinë në Bashkimin Europian.
Mos e braktisni Shqipërinë, por bashkohuni për ta bërë një vend të denjë europian! 🇦🇱