Sot pritet të zhvillohet seanca gjyqësore për Samir Tahirin nga Gjykata e Apelit të Krimeve të Rënda pas kërkesës së ish-ministrit të Brendshëm për heqjen e masës së sigurisë “arrest shtëpie”.
Gjykata e Krimeve të Rënda caktoi më 12 maj 2018, masën e sigurisë “arrest shtëpie” ndaj ish-ministrit të Brendshëm Saimir Tahiri, të akuzuar si të përfshirë në trafik droge me grupin Habilaj.
Mbi Tahirin rëndojnë dy akuza, “trafik droge” dhe “korrupsion pasiv”.
Të dyja palët kanë kundërshtuar vendimin e Shkallës së Parë. Tahiri kërkon ndryshimin e masës “arrest shtëpie”, në një kohë që Prokuroria kërkon “arrest me burg” për ish-ministrin.
Kujtojmë se mbrëmjen e kaluar, ish-kryeministri Sali Berisha publikoi mesazhin e një oficeri të policisë gjyqësore sipas të cilit me urdhër të Ramës, Prokurorja e Krimeve të Rënda, Donika Prela i ka bërë presion gjyqtares së seancës që të lërë Saimir Tahirin në ‘arrest shtëpie’.
Kryegjykatësi, kryeprokurori, kryekushtetues Rama vendos për masën e sigurisë së Saimir Trafikut, u shpreh Berisha në Facebook.
