Konstitucionalisti i njohur Çlirim Gjata u shpreh se ministri i Brendshëm, Fatmir Xhafaj, nuk mund t’i shmanget përgjegjësive politike.
Çlirim Gjata theksoi se nuk ka mundësi që Xhafaj të jetë ministër i Brendshëm, ndërsa i vëllai i tij të jetë pjesë e mafies.
“U tha që Agron Xhafaj ka shkuar në Prokurori ka bërë kallzim dhe ka depozituar zërin. Pastaj u tha se Agron Xhafaj ka shkuar në Itali, por ndërkohë nuk kemi asnjë të dhënë se a e priti policia italiane atje, a po e vuan diku dënimin”, tha Gjata në studion e News 24.
Sipas tij, sot doli ‘Dëshmitari X’ dhe pohoi se ka bërë bisedën, në këtë moment tregohet se nuk kemi manipulim, sikundër deklaroi Kryeministri Edi Rama.
