Ky sezon nuk ka filluar aspak mirë për yllin argjentinas të Juventusit, Paulo Dybala. Allegri ka vendosur që ta lëri më shumë në stol se ta aktivizojë në fushën e lojës dhe arsyeja është e pakuptueshme. Ardhja e Cristiano Ronaldos tek bardhezinjtë duket se ka ndikuar shumë në pozicionin që kishte deri një sezon më parë Dybala në skuadër.
Në përballjen me Bolognan tekniku italian e hodhi titullarë Dybalan dhe ai tregoi potencialin e tij duke shënuar edhe një gol. Por përveç golit ai ishte shumë aktiv në fushën e lojës, pasi ishte i shumë i angazhuar edhe në fazën mbrojtëse, gjë që nuk kishte ndodhur më parë.
Ndërsa sipas asaj që bëjnë me dije mediat italiane Dybala kërkon largimin nga skuadra e Juventusit, dhe sipas asaj që bën me dije “Calciomerato” lojtari duket se i ka thënë “po” Realit të Madridit për t’u transferuar atje në Janar.
