Ka festë kuqezi në Maqedoninë e Veriut. Kjo pasi Shkëndija e Tetovës është matematikisht kampion i shtetit fqinj. Skuadra shqiptare e cila garon në First League e Maqedonisë së Veriut ka fituar titullin 4 javë përpara fundit.
Shkak është bërë fitorja 1-0 në transfertën e Rabotnickit, si dhe barazimi pa gola i rivalit më të afërt, Vardarit. Katër javë përpara fundit, Shkëndija numëron 13 pikë më shumë se Vardari, që nuk shkoi më shumë se një barazim 2-2 ndaj Shkupit.
Kështu, takimet kundër Sileks, Pobeda , Akademija Pandev dhe Renova janë thjeshtë një formalitet për skuadrën e Qatip Osmanit, që feston titullin për herë të dytë radhazi dhe të tretin në histori.
Për të fituar titullin kuqezinjtë kanë shënuar 70 gola në 32 takime, duke pësuar vetëm 24 gola.
