Sekretari personal nuk është më privilegj i shefave dhe zyrtarëve të lartë. Teknologjia e lartë tashmë ia mundëson gjithkujt, prej muajit të ardhshëm me një çmim prej mbi 1500 dollarësh.
Është fjala për këtë robot të quajtur Temi, i prezantuar në panairin e elektronikës në Berlin. Përmes komandave zanore, roboti mund të të ndjekë kudo, nëpër shtëpi ose në zyrë, duke të mundësuar t’i përgjigjesh thirrjeve me video e ato me zë.
Mund të të ndjekë nga pas me muzikën e preferuar e të komandohet edhe përmes smartfonëve në distancë, duke e dërguar aty ku ke nevojë.
Ka të njejtët funksione si asistenti vokal i smartfonëve të tipit Siri tek Ajfonët, ndaj dhe konsiderohet si një aparat celular me rrota.
