Apple po planifikon të lançojë tre modele të reja të iPhone këtë vit, duke përfshirë edhe një me ekran LCD, i cili mendohet të jetë më i suksesshëm se modeli XR.
Sipas Reuters, njoftimi erdhi herët ditën e sotme nga Wall Street Journal. Sipas njerëzve të njohur më çështjen, prodhuesi i iPhone synon gjithashtu të prezantojë edhe veçori të reja të kamerës. Apple nuk dha komente për këtë gjë. Kompania ka vendosur të përdorë ekranin e lëngët kristal (LCD) pikërisht në këtë kohë kur edhe shitjet e modelit iPhone XR janë shumë më të ngadalta nga çfarë pritej.
Javën e kaluar, Apple lëshoi paralajmërimin e parë të të ardhurave në gati 12 vite duke përmendur kërkesën e dobët kineze dhe aksionet e saj që ranë në 10 për qind, rënia më e madhe në gjashtë vite. Në raport thuhet se Apple planifikon të vazhdojë me modelin LCD, pasi pajisja ka qenë në prodhim për muaj të tërë.
Megjithatë, për vitin 2020, Apple do të kalojë krejtësisht në diodën organike të ndriçimit, ose OLED, ekran për iPhone, duke lënë pas plotësisht modelin LCD.
