Parlamenti i Hungarisë ka rizgjedhur Viktor Orbanin në postin e kryeministrit. Ky është mandati i tretë radhazi i Orbanit në këtë post, dhe i katërti në përgjithësi.
“Ne kemi zëvendësuar një demokraci liberale me një demokraci të krishterë të shekullit 21, e cila garanton lirinë e njerëzve dhe sigurinë”, u shpreh Orban para Parlamentit hungarez, shkruan rel.
Partia e Orbanit, Fidez fitoi zgjedhjet parlamentare të mbajtura muajin e kaluar. Fushata e tij u dominua nga politikat kundër migrantëve.
