Prokurorja e Përgjithshme, Arta Marku ka vendosur pezullimin nga detyra të prokurores pranë Prokurorisë së Përgjithshme Tiranë, Rovena Gashi.
Në njoftimin e shpërndarë për mediat, thuhet se pezullimi i Gashi u vendos pasi Kryeprokurorja u njoh me informacionin e Prokurorisë pranë Gjykatës së Shkallës Parë Durrës në lidhje me ngritjen e akuzës dhe marrjen në cilësinë e të pandehurit të Rovena Gashi
Gashi është marrë e pandehur pasi akuzohet për ‘Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.
Prokurori Gina do të jetë i pezulluar deri në përfundim të hetimeve ose gjykimit të procedimit penal të regjistruar pranë Prokurorisë pranë Gjykatës së Shkallës Parë Durrës.
