Pushimet verore kanë sjellë edhe rradhët e gjata në dogana në hyrjen për në Shqipëri. Me qindra automjete, kryesisht të emigranteve shqiptarë që punojne dhe jetojnë në shtetin fqinj, janë në pritje për të hyrë në Shqipëri nga pika e kalimit kufitar në Kakavijë.
Vargu i makinave është i gjatë rreth 3 km në pjesen e territorit grek. Punonjësit e policisë greke kanë në funksion vetëm 2 sportele, ndërkohë që pala shqiptare punon me kapacitet të plotë.
Pritet që autoritetet shqiptare të nderhyjnë tek ato greke për shpejtimin e punës dhe përmirësimin e situatës shqetësuese në doganën e Kakavijës.
