Pjesa e parë e ditës dominohet nga kthjellime dhe vranësira në të gjithë territorin. Më të dendura vranësirat paraqiten në zonat juglindore. Pasditja dhe nata vijojnë në kushtet e kthjellimeve në të gjithë vendin.
Sipas MeteoAlb, temperaturat e ajrit ulen në mëngjes por mesdita sjellë rritje të lehtë të tyre duke luhatur vlerat ditore nga -3 °C në deri në 17 °C. Era do të fryjë mesatare me shpejtësi deri 30-35 km/h nga drejtimi Lindor- Verilindor duke gjeneruar në det dallgëzim 2 ballë.
Vijon ndikimi i motit të qëndrueshëm duke bërë që kthjellimet dhe vranësirat e lehta të jenë dominante në të gjithë territorin, më të dendura në zonat malore.
Pasditja sjell shtim të vranësirave, fillimisht në zonat malore. Por gjatë natës vranësirat do të shtrihen në të gjithë vendin duke rrezikuar shira të dobët.
Sipas MeteoAlb, temperaturat e ajrit do të rriten lehtë në të dy vlerat ekstremale duke luhatur vlerat ditore nga -1 °C mëngjesi në zonat malore deri në 17 °C mesdita në Jugperëndim të Shqipërisë. Era do fryjë mesatare me shpejtësi mbi 35 km/h nga drejtimi Lindor-Juglindor duke gjeneruar në det dallgëzim 3 ballë.
Kthjellime dhe vranësira kalimtare dominojnë gjatë gjithë ditës territorin shqiptar, përjashtuar orët e mesditës. Në ekstremet veri-verilindje, do të ketë zhvillim të vranësirave lokale dhe mundësi për shira të izoluar.
Pasditja dhe orët vijuese do të jenë kryesisht në kushtet e motit të kthjellët me vranësira të shpeshta në të gjithë vendin. Sipas MeteoAlb, temperaturat e ajrit ulen lehtë gjatë mëngjesit, por mesdita sjell rritje me 2-3 °C të vlerave termike, duke u luhatur nga 7-24 gradë C.
Era do të fryjë e lehtë dhe mesatare, me shpejtësi 28 km/h nga drejtimi veri-verilindor duke krijuar në det dallgëzim 1-2 ballë.
Orët e paradites do të dominohen nga mot i kthjellët në të gjithë Shqipërinë.
Situatë e cila do të vijojë deri pasdite kur priten vranësira lokale në zonat malore, kryesisht në Juglindje të territorit.
Mbrëmja dhe nata paraqiten me kthjellime dhe vranësira të shpeshta në të gjithë territorin shqiptar.
Sipas MeteoAlb, temperaturat e ajrit sërish do të qëndrojnë konstante si në mëngjes dhe në mesditë duke ruajtur ekstremumet ditore nga 6 – 28°C.
Era do të fryjë e lehtë deri mesatare, me shpejtësi 30 km/h nga drejtimi kryesisht Verperëndimor duke krijuar në det dallgëzim 1-2 ballë.
