Është dhënë paraditen e sotme masa e sigurisë për autorin e dyshuar si vrasës të Mario Majollarit. Gjykata ka vendosur arrest me burg për shtetasin Kastriot Gjuzi.
Gjuzi u arrestua 3 ditë më parë në Kosovë. Sipas policisë, ai ka tentuar të largohet malit për në shtetin fqinj, por është pikasur nga policët kufitare afër Vërmicës.
Gjuzi ka mohuar kategorikisht akuzat për vrasjen me armë të të riut në Tiranë, ndërsa theksoi se, në lagjen e këtij të fundit kishte shkuar pasi aty kishte vjehrrën.
Mario Majollari u vra më 10 prill, në një pritë poshtë shtëpisë. Dyshimet e para ishin pikërisht për hakmarrje, pasi i ati i 28-vjeçarit, Avni Majollari vuan dënimin me burgim të përjetshëm për dy vrasje në vitin 2001.
Kastriot Gjuzi është vëllai i njërit prej viktimave të vrasjes.
Vetë Mario kishte kërkuar azil në Suedi, por i ishte refuzuar. Mediat suedeze shkruan për 28-vjeçarin.
