Kthjellimet dhe vranësira të lehta dominojnë pjesën e parë të ditës në bregdet dhe zonat e ulëta por vranësira të shpeshta paraqiten në zonat malore duke rrezikuar reshje shiu e dëbore.

Parashikohet që pasditja dhe mbrëmja të mbeten me kthjellime dhe vranësira të herë pas-hershme në të gjithë Shqipërinë. Sipas MeteoAlb, temperaturat e ajrit do të ulen në mëngjes dhe mesditë.

Ato do të luhaten në vlerat ekstremale ditore nga -3°C mëngjesi deri në 17 °C maksimumi në rang territori.

- reklamë -

Era do të fryjë mesatare me shpejtësi 35 km/h nga drejtimi Veriperëndimor duke krijuar në det dallgëzim mbi 3 ballë.

Masat ajrore të ngrohta dhe të lagështa me origjinë oqeanike do të kushtëzojnë mot të ngrohtë dhe të lagësht.

Për pasojë, vranësirat do të jenë të pranishme në të gjithë vendin deri pas mesdite ku pritet shtim i tyre duke gjeneruar shira, më të dendura në zonat veriore-veriperëndimore. Pasditja dhe mbrëmja mbeten me vranësira dhe shira në të gjithë territorin shqiptar.

Sipas MeteoAlb, temperaturat e ajrit rriten në mëngjes dhe mesditë duke luhatur vlerat ekstremale ditore nga -1°C në 21°C.

- reklamë -

Era do fryjë mesatare në tokë dhe deri e fortë në det, me shpejtësi 50 km/h nga drejtimi Jugperëndimor duke krijuar në det dallgëzim mbi 5 ballë. 

Masat ajrore të qëndrueshme do të ndikojnë në Shqipëri mot të kthjellet deri pas mesdite. Vranësira kalimtare shfaqen nëpër të gjithë vendin, ku më të dukshme do të jenë në zonat malore Lindore.

Pasditja dhe orët vijuese ri-sjellin dominim të kthjellimeve në të gjithë territorin shqiptar.

Sipas MeteoAlb, temperaturat e ajrit do të sjellin një rritje të lehtë si gjatë mëngjesit ashtu edhe në mesditë duke variuar nga 13 në 29°C.

- reklamë -

Era do fryjë e lehtë dhe mesatare, me shpejtësi 28 km/h nga drejtimi Juglindor ndërsa në det krijohet dallgëzim 2 ballë.